یمن اردو: ایران کی اعلیٰ قومی سلامتی کونسل کے سیکرٹری لیفٹیننٹ جنرل محسن رضائی نے کہا ہے کہ روسی صدر ولادیمیر پوتن نے ایرانی ایٹمی تنصیبات پر بمباری کی مذمت کی اور ایران پر جنگ کو ظالمانہ قرار دیا ہے۔
پریس ٹی وی اور المسیرہ کے مطابق محسن رضائی نے ماسکو میں کرملن میں پوتن سے ملاقات کی اور انقلاب اسلامی کے رہبر کی جانب سے ایک پیغام پہنچایا۔ رضائی نے بتایا کہ پوتن نے کہا وہ جنگ ختم کرنے میں ہر ممکن مدد کریں گے، اور ایرانی ایٹمی تنصیبات پر بمباری کی مذمت کرتے ہوئے اس جنگ کو ناانصافی قرار دیا۔
مزید پڑھیں
محسن رضائی نے مزید کہا کہ دونوں فریقوں نے روس سے ایران تک گیس پائپ لائنوں کی تعمیر پر بات کی، تاکہ ایران کی اندرونی گیس کی کمی پوری ہو اور روسی گیس پڑوسی ممالک کو بھی فروخت کی جا سکے۔ ایرانی ٹیلی ویژن کے مطابق یہ ملاقات علاقے کے اہم معاملات پر مشاورت کے لیے ہوئی، اور پوتن نے رہبر انقلاب اسلامی کو اپنی نیک خواہشات پہنچائیں۔
ذریعہ: پریس ٹی وی، المسیرہ
