یمن اردو: رہبر معظم انقلاب اسلامی کے نمائندے اور ایران کی سپریم نیشنل سیکیورٹی کونسل کے سیکرٹری میجر جنرل محسن رضائی نے دوٹوک اعلان کیا ہے کہ ایران میں افزودہ کیے گئے جوہری مواد کا ایک ذرہ بھی ملک سے باہر نہیں جائے گا۔ انہوں نے یہ بات تہران میں پاکستانی آرمی چیف عاصم منیر سے ملاقات کے دوران کہی۔
جنرل محسن رضائی نے کہا کہ تمام افزودہ جوہری مواد ایران ہی میں رہے گا، کیونکہ یہ ایرانی عوام کا بڑا سرمایہ اور قومی دولت ہے جو ملک کے اندر استعمال کے لیے ہے۔
مزید پڑھیں: جنگ کے بعد پہلا دورہ، روسی وزیر خارجہ لاوروف تہران میں
امریکہ سے مذاکرات کے بارے میں انہوں نے واضح کیا کہ ایران کے تمام عوام اور حکام یک زبان ہو کر اس نتیجے پر پہنچے ہیں کہ جب تک امریکہ کی طرف سے اعتماد سازی نہیں ہوتی، کوئی مذاکرات نہیں ہوں گے، اور اس اعتماد سازی کا آغاز ایران کی شرائط پوری کرنے سے ہو گا۔
جنرل محسن رضائی نے ملاقات میں ایران اور پاکستان کی قوموں کے درمیان برادرانہ رشتے پر بھی زور دیا۔
اس موقع پر پاکستانی آرمی چیف عاصم منیر نے پاک ایران سرحد کھلنے کا اعلان کرتے ہوئے کہا کہ ہم واضح طور پر اعلان کرتے ہیں کہ ایران اور پاکستان کی سرحدوں کا مسئلہ حل ہو گیا ہے اور آج صبح سے سرحد کھول دی گئی ہے۔
ماخذ: ایرانی میڈیا
